Andamusi di muabets – Diafuraua dintrã limbã sh-dialectu

Njiercuri, 24-li di Brumaru, sãhatea 18.30, la sediul a Fãlcariljei Bucureshti a Farãljei Armãneascã  ditu Romãnia (Geadeia Vasile Lascãr, nr. 26-28), Consiliu a Tinirloru Armãnj andreadzi unã andamusi cu Prof. Univ. Dr.  Mariana Bara sh-poetlu George Vranã, tsi va nã azburascã ti diafuraua dintrã limbã sh-dialectu. Va s-hibã pãrãstãsiti  ’ndauã urnechi di cãbili ditu Evropa tu tsi mutreashti sinurlu anamisa di limbã sh-dialectu sh-minduearea a vãsiliiloru ditu UE ti aestu lucru.

Yinits s-him deadunu la aestã muabeti di simasii ti armãnj!