Bal di “Oscar”

Tu 12 di Avgustu 2011, sihatea 21.00, vâ câlisim s-anchisits pi “kilimea aroshi” di la Melody Grand Ballroom (Mamaia). Vini chirolu sh-oara atsea ‘msheata ta s-dămu cali la filmărli ti protlu filmu artistic armânescu – semnu că nica bânămu: “Nu hiu faimos ama hiu Armân”, tu regia alu Toma Enache.

Pânâ tora, multsâ duruts armânj andrupârâ aestu poiect tsi ahurhi s-acatsâ banâ, ama ta s-poatâ s-hibâ bitisitu, easti ananghi sh-di aua sh-ninti di agiutorlu a altsâ sh-altsâ armânj. Atsei tsi voru s-andrupascâ, potu s-u adarâ multu lishor, pritu yinearea la aestu Balu di “Oscar”.

Cara s-yinits va s-luats parti la unâ shcurtâ cumatâ ditu filmu – Gala di duruseari a unlui premiu di mari simasii, ti naima bunlu documentar, ti regizorlu Toni Caramushat (pesonaj tu filmu) shi va s-adrats gimbushi cu avdzâti parei di cântâtori armânj. Fatsi s-nâ hârsim ti atsea că deadun putem sâ scriem isturii, fatsi ti noi tuts aestâ tinjie!

Biletlu custuseashti 200 lei (mâcarea, beara, cum sh-unâ njicâ hari tsi s-vâ aducâ aminti di aestu Bal). Tuts pâradzlji tsi va s-amintâ dupu Bal, va s-ducâ ti andruparea a filmului.

Ti cama multi hâbări: 0755 042 003 (Nicu Baturi); 0722 623 350 (Hasoti Enache)

Nâ videmu la marea gimbushi! Aidits s-bânăm deadun un yis faptu dealihea!

PS: Stranjili lipseashti s-hibâ aleapti…ca ti “Oscar”!

www.iamaromanian.tomaenach​e.ro
www.tomaenache.ro