Dzuua Natsionalã a Armãnjlor 2012

Pirmithlu a Armãnjlor. Calea cãtã Crushova

Estanu, tu 23 di Maiu, ti Dzuua Natsionalã a Armãnjlor, va nã turnãm tu chiro, ti unã adutseari aminti a isturiei a noasti, a adetslor, ama sh-a cãnticlui armãnescu. Deadun va s-duchimãsim s-trãdzem “zãvonlu” tsi anvãleashti fara a noastã, ta sã scutem tu migdani atseali misidz tsi u aspun: zãrtsina strãveaclji, achicãsearea tra di noi ama sh-cu alanti millets, adetsli ti-anami, putearea sh-tãcatea cu cari putum s-bãnãm totna tu iutsido locu nã pimsi isturia.

Ashi va s-ahurheascã pirmithlu tsi va s-dizvãrteascã tu 23 di Maiu 2012.

Va s-hits cãlisits sh-ashtiptats cu uspitsãljea safe armãneascã tu casitsili msheati sh-uidisitu adrati, tsi va vã hãrseascã mutrita. Cara s-avets vreari ti isturii, culturã sh-adets, cara s-avets antribãri sh-cãftats apandisi i cara s-avets mash perieryii, va s-hibã aclo oaminji cu cari s-adrats muabeti. Tutnãoarã, va s-putets s-videts fisea ditu vecljili hori armãneshtsã, cu muntsãi, casili sh-cupiili di oi tsi “anyrãpsirã” unã ‘ntreagã isturii.

Sh-di cara adusim aminti isturia, cultura sh-adetsli, vã dimãndãm cã tu atseali 4 dzãli di dizvãrteari a evenimentului, va s-putets s-vã hãrsits cu 4 turlii di activitãts. Prota sh-prota, va s-videts un shcurtu documentar – ditu cari va s-aflats lucri tsi tsãnu di isturia a noastã-, va s-videts unã piesã di teatru giucatã pi armãneashti, va s-aflats cama multi di poetslji a noshtsã sh-di “calea” a poematiloru anyrãpsiti pi limba di dadã shi -nu dip tu soni-, va s-hits cãlisits la un cenaclu cu cãnticu sh-giocu. La aestu cenaclu, va s-poatã s-hibã anvitsati ‘ndauã murafets tsi tsãnu di muzicã (vocal/instrumental) ama sh-di gioclu armãnescu. Vã ashtiptãmu tu Parcul Herãstrãu (intrata Charles de Gaulle), ta s-nã hãrsim shi s-u bãnãm deadun aestã hãrseari.

Consiliu a Tinirlor Armãnj vã cãliseashti la unã andamusi cu criticlu Dan C. Mihãilescu, aclo iu va s-azburãmu di armãnj sh-di cãrtsãli a loru. Tut aua va s-avem sh-unã muabeti ti cartea “Jurnal interior”, anyrãpsitã di George Vranã.

Dan C. Mihãilescu: “Nj-adush aminti trãoarã di sutsatili cu nicuchirlu alu Zoe Busulenga, cu Marian Papahagi, Dan Ioan Nasta, Mihai Nasta, Mircea Zaciu, C. Noica, Matilda Mariotzeanu Caragiu, di mãyia caduriloru ali Casii Capsha, di isihia a andamusilor cu Ion Caramitru, di moabetsili  telefonitsi cu doamna Polihroniade, di caimolu di dupu moartea ali Gina Patrichi…sh-multi alti ahtãri”.

Vã ashtiptãm pi tuts cu mari harauã, Njiercuri, 18 di April 2012, sãhatea 19.00 tu Sutsata di Bucureshti.

Andamusea iasti sh’pi Facebook! Aspunets’vã cã yinits!

Moderatoru: Mariana Bara

Pareia CTARM

Hãristusescu a tinirlor tsi agiutarã: Corina Babu, Zoia Ciacu, Chira Custura, Ianula Gheorghe, Steluta Iorgoveanu, Gina Papacu, Andra Sapera, Florentina Tase, Dana Trantu, Madalina Trantu, Cornelia Zaifu, Cristina Zicu, Sorin Anagnoste, Alexandru Buicliu, Nasi Calentaru, Marius Costea, Viorel Craciun, Costin Guci, Stere Stamule, Alexandru Zicu, Mihai Zurzu, Santo Zurzu.

Cu vreari shi tinjii,
Prezidentlu CTArm
Ecaterina Custura

Editsia a VI

Pirmithlu a cãnticlui

Cathi an iurtusim yinearea a primuvearaljei cu un spectacol ti armanji, un spectacol tsi na scoati tu padi  limba si cultura armaneasca, muzica si boatsea fara preaclj a artishtsalor a  nostri.

Estan nu va s-hiba mash un spectacol, ama un pirmith, una priimnari tu mintea si sufletlu a artishtsalor. Cum vrem s-adraum aestu lucru ? E ghini , aua easti volea a noastra ta s-alaxim tut  spectacolu, ta s-va ciudusim, s-va distiptam sinferlu, s-va dishtiptam menga; cu alti zboara, s-va harsim. Ashi, una pareii di  tineri adara aestu lucru shi avem umutea s-nu va alasam arasa  ashtiptarea.

Vahi minduits ca him idealishtsa, aplo, amplini di nadii. Sigura, un ocljiu  spastrit poati s-veada aesta. . Ama tsi lipseashti sa shits, pi ninga atsea ca vrem s-him vizionari, easti ca him tutnaoara realishtsa, pragmatits, apufasits iara maca tu mintea noastra alanci aestu contseptu atumtsea  el va s-materializeadza.

Shi ca s-nu va si aurasca va s-tritsem la lucri salami.

Cu tsi s-aleadzi aestu spectacolu di  estan di atseali di ma ninti. Simplu, aparnjeashti di la un conceptu, Pirmithlu  dinapoia a  canticlui. Aesta va s-dzaca ca va s-videts tsi s-ascundi dinapoia atsilor cantitsi tsi li avdzat di ahanti ori tu ahanti aradzadz. A ca li ascultats la  serati, numta,patiigiunj,   li cantat an casa, tu aftuchina i  la birou, aesti cantiti suntu una parti di voi. Ama minduits tsi easti   canticlu anaparti di iho i stihuri ? Minduits la atselji tsi li adrara i tsi li canta ? La elji, la sentimentili a lor, la averlu a lor ? Cum s-amintara cantitsli a lor ? Cara ie i cara nu , va s-aflats apandisea la aesti antribari si la multi alti tu aestu spectacol.

Pi scena va s-yina ndoi  artistsa avdzats, em compozitori  em cantatori tsi va s-da apandisi la  antribari ligati di compozitsie shi di interpretari. Ashtiptam cu niaravdari s- aflam tsi va na spuna!

Spectacolu va s-ljia urnechea a unui cenaclu  muzical, ampartsat pi doaua partsa importanti, atsea a compozitorilor shi a  interpretlor, dit cari va s-faca parti doaua momenti a compozitoariei shi ali interpreta a noastra di tinjii, Sirma Guci.

Artistsalji va s-hiba  acompaniats di una pareii completa di instrumentishti, ama va s-avets  parti  shi di cndaua momenti speciali cu Hrista Lupci, Sirma Guci, Gica Coada si Florentina Costea cu Via Balkanica. Aestsa  va va aduca  un sound intim, ahoryea.

Tutnaoara, ndreapsim ti voi reghie shi lunjnji,proiectsii, giocuri  shi poezie, premieri.

Cara va dishtiptam sinferlu  va grim Sambata, 7di Apriir, La Sala Radio Bucureshti, sihatea 16:30, ta s-dam marturii ti un pirmith bagat pi scena di Consiliul a Tinerlor Armanj, a curi protagonishti suntu inshishi artishtsalji a noshtri.

Articol andreptu di Zoia Ciacu dit pareia “Consiliul a Tinirlor Armãnji”

Cu furnjiia a evenimentului “Primuveara Armãnjilor”,  Fãlcarea Bucureshti a CARo andreadzi, ti tinjia  artishtsãloru di pi stsenã, ma shi  ti tuts armãnjljii di Bucureshti, unã gimbushi armãneascã.

Vã ashtiptãmu cu harauã Sãmbãtã 7-li di Apriir 2012, dupu oara 19:30, la salonlu “Cepi Grand Ballroom ” ditu Shoseaua Pipera, Nr. 48, Sector 2, Bucureshti.

Tu proyramã: muzicã sh-giocu armãnescu deadunu cu artishtsãljii a noshtsã.

Biletili li aflats la sediu SCA: Str.Vasile Lascăr, nr.24-26.

Ti ma multi hãbãri sh-ti rezervãri : tel. 0728.170.394 .(Steluța Iorgoveanu )

Tinjia a biletlui: 80 lei/omu cu meniu fãrã beari.

Di itia cã u duchimu anvãrliga anyiuridzma di primuvearã sh-cã nã lo dorlu di iholu armãnescu dultsi ca njearea, dãm cali la hãbari ti miraki: vini oara ti “Primuveara a Armãnjiloru”, VI-a editsii.
Vã ashtiptãm sãmbãtã, tu dzuua di 7 apriiru 2012, tu oara 16.30, la Sala Radio di Bucureshti!

Ma s-ti ai antribatã vãroarã tsi easti dinãpoia cãntitsloru tsi li ascultsã, tsi li ai tu vreari, tsi li cãntsã shi tsã ansari ciciorlu anda li avdzã, va tsã si da apandisi la spectacol. Tsi duchirã vahi autorlji alushtor cãntitsi anda li adrarã? Ti cari li adrarã? Aspusirã vãroarã tsi duchirã anda lã deadirã banã?

Niscãntsã di aestsã autori va vã aspunã la aestu spectacol pirmithlu di dinãpoia cãnticlui. Spectacolu va s-hibã shi ca un njic cenaclu, iu numi avdzãti dit muzica armãneascã va nã aspunã cum deadirã banã a cãnticlui. Cãntãtorlji va s-hibã acompaniatsi cu instrumente „arãts”, spectacolu va s-aibã un sound acustic, „aratsi”. Va s-hibã altã soi di spectacol cu muzicã „unplugged”, „fãrã hiri”, cum dzãtsi armãnlu . Va u avem oaspitã Sirma Guci, shi va nã hãrseascã cu boatsea a lor: lali Hrista Lupci, Gica Coadã, Dani Peanci, Florentina Costea, Gigi Sima, Gheorghe Caraulani, Stelian Arãu, Yioryi Nicolae shi Ioti Mela.

Aidits s-tritsemu deadun unã searã ti niagãrsheari! Anda va s-avdã iholu, sh-primuveara va s-himuseascã s-yina trãoarã! Aidits s-fitursimu!

Intrarea custuseashti 25 de lei. Ti cama multi hãbãri vã plãcãrsimu s-nã cãftats la numirli di telefon: 0728.170.394, 0722.612.393 icã pi adresa di mail: contact@ctarm.org. Icã vã ashtiptãm la sediul a Sutsatãjei Culturalã Armãneascã pi sucachea Vasile Lascãr 26-28, Bucureshti.

Tsi?

Deadun, va s-duchimãsim sã scutem tu videalã ‘ndauã cumãts ditu atsea tsi easti “lumea armãneascã” – atsea farã tsi armasi tu banã, ca unã mistiryipsitã usii  a atsiljei ditu soni eti balcanitsi.

Armãnjlji eara vidzuts di Irina Nicolau ca oaminj tsi au tu “casa a genlui a loru unã arãdãpseari veaclji shi aplo”. Elj eara i cãrvãnari – tsi dutsea turlii-turlii di ‘msheati pãrmãtii din Poli pãn’tu Evropa ditu Ascãpitatã-, i picurari – tsi di primveara pãnã toamna sh-bãna bana tu muntsã.

La andamusi va nã cãntã pareia Via Balkanica.

Iholu armãnescu nu va nã alasã arihati sh-va nã pingã trãoarã cãtã tu mesi, aclo iu ‘ndoi  tiniri  ti-anami va nã ‘nveatsã giocuri safe armãneshtsã.

Sh-cama multu, va nã “priimnãm” deadun cãtã mushuteatsa sh-nustimada a mãcãriloru armãneshtsã.

Cu cari?

Cu Florentina Costea ….sh-cu ‘ndoi tiniri armãnji

Cu pareia Via Balkanica, tsi va s-cãntã cãntitsi di pi CD-ulu Isnafi…ama nu mash ahãtu.

Cu tsi s-yini la andamusi?

Perieryii,  tinireatsã tu geanu…sh-harauã.

Cãndu?

• sãmbatã@incubator107, 17 di Martsu 2012 de la 18:00 la 21:00
• sãmbatã@incubator107, 24 di Martsu 2012 de la 19:00 la 21:00

Cum?

Atsei tsi voru s-ljea parti la aestã andamusi, lipseashti s-anyãrpseascã un e-mail la adresa inscrieri@incubator107.com. Anda anyrãpsits, dzãtsets dishcljisu cãtse vrets s-yinits, di iu avdzãtu di Incubator 107 shi alãsats un numiru di telefon.

Ahurhim nãulu an cu un oaspi armãn di mari simasii ti lumakea artitshtsãloru shi nu mash.

Va s-tritsem unã searã ti miraki (cãntitsi, pirmithuseri, arãdzi armãneshtsã) deadun cu armãnlu Nicu Alifantis.

Vã ashtiptãm pi tuts cu mari harauã, Njiercuri, 25-lu di Ienaru 2012, sãhatea 18.30 tu Sutsata di Bucureshti.

Yinits s-him deadun ti unã searã ti niagãrsheari.

Cãftãm ljirtari atsiloru tsi vinirã aseara sh-nu puturã s-hãrseascã di unã nauã andamusi andreaptã di CTARm, atsea cu Sergiu Nicolaescu.

Avem nãdia cã di aua sh-ninti nu mata va s-giundzem tu ahtari catastasi.Va s-dutsem ninti aesti andamusi cu oaminj di simasii!

Unã oarã tu mesu, CTARM andreadzi unã andamusi cu om di mari tinjii. Tu Brumaru, vini  oara s-nã andãmusimu cu unu di naima avdzãtslji regizori ditu Românii tsi s-aspusi di arãzgã armãneascã: Sergiu Nicolaescu.

Va s-aflãm ma multi di bana, di pãpãnjlji sh-di zãnatea a lui tu unã muabeti iu moderator va s-hibã altu regizor, Toma Enache.

Yinits s-tritsem unã searã ti miraki!
Gioi, 10-li di Brumar 2011, sãhatea 19.00 tu Sutsata di Bucureshti.

Pareia CTARM